亞蘇爾

元朗形點商場一期其實有唔少餐廳，來來去去出名都係果幾間，細心D留意下既話會搵到驚喜！

是日驚喜係亞蘇爾澳門菜，在香港好少特登會揀澳門菜食，因為去一轉澳門都係一件好簡單既事！

不過心血來潮食下澳門菜都OK啊！反正又無乜在香港食，亞蘇爾澳門菜門口細細入面算幾大下！

坐既卡位幾舒服，值得一讚既係服務態度，唔知點解感覺上佢地職員比同商場既其他餐廳好禮貌！

話說果日就唔係太肚餓，隨隨便便揀左個「葡國直送沙甸魚芝士脆三文治」，價錢上$78有點貴！

但係食完之後會覺得值得既，葡國直送沙甸魚，好有在澳門既感覺，唔講以為自己去左澳門！



一品雞煲火鍋



荃灣一品雞煲算係在荃灣幾出名，唔少人成日去幫襯，又有人唔少人特登去荃灣幫襯一品雞煲！

雖則雞煲而家好多地方有得食，但係如果要講食上癮既雞煲，其實真係一定非荃灣一品雞煲莫屬！

講唔出有乜特別，總之每隔一段時間就會好想食，一品既雞煲絕對唔係平，仲算係貴既雞煲！

而且又唔係做任食，不過繁忙時間成日要排隊先食得到，市場反映左價錢唔係問題，質素最重要！

兩個人去荃灣一品雞煲通常要半隻雞，再叫其他野食，特別係要叫碗飯，雞煲果個汁送飯一流！

除左要叫飯之外，一定都會叫碟手切肥牛，仲有魚皮，兩個人食已經夠哂架喇！飽到捧著個肚咁走！

https://www.openrice.com/zh/hongkong/review/一品雞煲火鍋-e3541603

丼丼屋

在荃灣行街行到綠楊坊，見到有間 Dondonya 丼丼屋既日本餐廳連鎖店，之前無試過就試下喇！

坦白講MENU唔吸引，日本餐廳既MENU通常都係好吸引，如果係門口睇左MENU未必會幫襯。

野食既選擇好似都比其他日本餐廳少，不過都揀到既！揀左黑咖哩牛肉飯，＋左$18要日式滑蛋！

味道係無失望既，不過不失，只係無乜驚喜，如果無＋$18要日式滑蛋個黑咖哩牛肉飯應該幾DRY！


其實呢個飯要$88略嫌有D貴，定食加配仲要加$15-58，視乎加配D乜，加配特上刺身就要$58！

加配指定餐飲仲要再加$10，加加埋埋可以貴可以平，豐儉由人。除此之外，仲叫左個兒童餐......


和風牛肉定食$65，配橙汁或蘋果汁，可選擇白飯或烏冬，估唔到份量都唔細，兒童未必食得哂！

咖啡灣

話說在將軍澳新都城中心行街行到攰，想搵個地方坐下飲杯野抖抖，無意中發現左呢間 Cafe。

行過第一時間係比佢門口吸引著，設計得非常歐陸，門口又有個由LOGO砌成既摩天輪，好靚！

再望一望個MENU，實在係忍唔著即刻行入去，MENU上既圖片色彩繽紛，真係未食就開心！



睇MENU睇到選擇困難症，揀左好耐終於揀到食乜，叫左黑魔王窩夫，超貼心可以揀半份。

漢堡既相好吸引，明明唔肚餓都忍唔著叫左手作特級和牛漢堡，呢度MENU圖片唔係只供參考。

嚐味喇沙

將軍澳新都城中心既餐廳選擇其實唔少，行過見到嚐味喇沙咁啱想食喇沙，見要排隊都排一陣。

好彩就唔係排左好耐，原來佢間舖都幾大下，座位算幾多，而且環境幾舒服，坐得又唔算逼。

等左一陣位剛好係下午茶時段，去得喇沙嚐味喇沙無乜理由唔食喇沙既，叫左喇沙龍蝦湯米線！

一開始見到碗喇沙龍蝦湯米線，賣相確實係令人有少少失望既，喇沙龍蝦湯湯底既顏色偏淡。

難免會令人覺得呢碗喇沙龍蝦湯米線好淡味，不過食落居然係有驚喜，完全又無覺得係失望喎！

喇沙龍蝦湯米線有得揀扎肉或者豬頸肉，下午茶只需要$38-$40，又唔係特別細碗，物起所值既！





一豊

唔好以為係天水圍食唔到好既日本野，最近在天耀廣場發現一間隱世日本野，點解話係隱世？

因為係地庫，好容易比人忽略左佢既存在，話說果日係想去天耀廣場既另一間日本野開餐。

不過實在太多人排隊，所以先係天耀廣場周圍行下，無意中在地庫見到呢間日本野就試下喇！

一入去已經有驚喜，好有FEEL既日本裝修，唔知真係以為去左日本，喜出望外，超乎想像。



因為只係第一次去一豊，叫左既壽司全部都唔錯，完全唔會令人失望，有一款壽司最有驚喜！

就係火炙醬油漬三文魚赤腩，呢款壽司真係好食到好似去左日本咁，而家講起都即刻想食！



吉列炸生蠔又係估唔到咁好食，食得出隻生蠔好新鮮又好肥美，仲有叫左碗拉麵同樣唔會失望！


明星皇宮

明星集團係一間會再三幫襯既酒樓集團，元朗間明星皇宮去完又再去，基本上唔會令人失望！



首選一定一定一定要嗌芝士開邊加拿大龍蝦（伊麵底），物超所值，百幾蚊一隻，係超級好食！

真係食極都唔厭！食完即刻想再食！重點係暫時搵唔到有一間酒樓整得好食過元朗間明星皇宮！



仲有一定一定一定要嗌片皮鴨，唔洗一百蚊，又係好好食，又係食極唔厭！食完即刻想再食！

其實兩個人食呢個份量已經好夠飽，不過好多時忍唔著叫多個餸，務求食到捧著個肚先捨得走！

有時會嗌薑蔥焗桶蠔，同樣物超所值，百幾蚊，桶蠔既口感真係有驚喜，真係唔會令人失望！

有時就會嗌生炒骨，雖則呢個餸係周圍都有得食，只係呢度整得又係好食，食過又係會想再食！

https://www.openrice.com/zh/hongkong/review/明星皇宮-e3522354

十勝牛和食料理

十勝牛和食料理已經變成左一間要排隊先得食既舖頭，以前去食都無話要排隊先有得食既！不過而家去得基本上就預左一定要排隊先有得食！雖則佢舖頭係唔細，但係佢幫襯既人太多喇！

確實要排隊食都算係值得既，係天水圍要食日本野既選擇本身已經無乜架喇！仲要係平靚正！



去得十勝牛和食料理有乜一定要食？個人覺得芝士四味係最好食！特別係果件芝士三文魚壽司！

其他地方真係未食過！仲有一定要食既係魚生冷麵沙律！唔好以為價錢平就一定係無乜魚生！

仲有如果鐘意食蟹子沙律既黎到十勝牛和食料理都一定要食！叫個大既黎食真係會食到好滿足！

https://www.openrice.com/zh/hongkong/review/十勝牛和食料理-e3516243

東京小食站

如果問元朗人要在元朗掃街會揀邊度？首選一定非又新街莫屬，作為元朗人有時想掃街都會去！

話說有一日突然之間心血來潮超級想食煎釀三寶，二話不說去左又新街果間「東京小食站」。

「東京小食站」同「龍津美食」唔同，「東京小食站」並唔係連鎖店，但賣既小食種類也不少。


8件煎釀三寶承惠$20不貴，兩件茄子、兩件豆腐、兩件炸魚旦和兩件紅腸，略嫌唔係好夠熱。



想要新鮮熱辣既小食就一定要買日式Q餅，$20即叫即整，制作需時，買既話就要耐心等候。

日式Q餅有足足20款口味揀，實有一款啱，芝士火腿呑拿魚紫菜仲有得加沙津醬，真係好好味！

糖森林


在元朗吃糖水坦白講真的有些厭，來來去去得果幾間，總想尋找一些新鮮感找一間新店吃糖水。剛好在鳳翔路看見這間《糖森林》，在門口打開菜單一看，圖片非常吸引，就二話不說進去試一下。其中一款2-3人份量「七彩繽紛」特別吸引，單看顏色已經滿分，而且看上去感覺味道不錯。

「七彩繽紛」的材料包括：小丸子、涼粉、河粉、珍珠、西米、芋丸和鮮雜果。鮮雜果的新鮮程度認真值得一讚，一開始還擔心會否不新鮮，意想不到好像對比起其他出名的糖水店好像更為新鮮。主角鮮雜果不錯，其他配角小丸子、涼粉、河粉、珍珠、西米以及芋丸也不會有什麼問題。

訂閱： 文章 (Atom)